Teanga don Tost – Micheál Ó Conghaile, Cathal Ó Searcaigh agus an Aiteacht

Is é Teanga don Tost: Micheál Ó Conghaile, Cathal Ó Searcaigh agus an Aiteacht an chéad mhonagraf taighde a bhfuil scagadh déanta ann ar théama na haiteachta i léann na Gaeilge. Déantar anailís ar shaothar na beirte seo trí leas a bhaint as tuiscintí theoric na haiteachta: 'modh' critice a d'eascair as claochluithe móra sóisialta ó na 1960í ar aghaidh. Sa saothar seo, pléitear stair shóisialta na haiteachta in Éirinn agus déantar an bheirt scríbhneoirí seo a comhthéacsú trí lionsa úrnua anailíse.